Вклучување во политички процеси
Како победуваме
Ги поддржуваме праведните политички процеси, се залагаме за нашите деловни политики и ги охрабруваме нашите вработени да се вклучат активно.
Зошто ги ставаме вредностите на прво место
Веруваме дека активното учество во фер политички процес промовира здраво општество. Како компанија, ние ги ангажираме креаторите на политики за прашања и грижи кои се важни за нашиот бизнис и за нашите клиенти. Ги охрабруваме вработените да бидат локално политички активни. Johnson Controls генерално ја ограничува употребата на ресурсите на компанијата за поддржување политички кандидати. Наместо тоа, компанијата има Комисија за политички дејства (Political Action Committee – PAC), основана со доброволните придонеси на вработените, која се користи за поддржување на американски кандидати кои се усогласени со позициите на корпоративната политика.
Како изгледа победувањето
Одговорно учествуваме во политички процеси со тоа што:
- го охрабруваме индивидуалното политичко учество на вработените, вклучувајќи гласање и користење на нивните сопствени пари и време
- ги охрабруваме квалификуваните вработени доброволно да придонесат во PAC на Johnson Controls
- не се користи името на Johnson Controls за промовирање одредена политичка партија
- никогаш не се обидуваме да влијаеме на некоја владина агенција, претставник или законодавец
- се избегнува употребата на ресурсите на компанијата за поддршка на политички кандидати или избрани службеници
- се усогласуваме со сите релевантни закони, обврски за лобирање и обелоденување и нашата Политика за политички прилози
Прво размислете
П:
Моментално волонтирам кај локален политичар кој се кандидира на избори. Од мене е побарано да направам транспарент за претстојниот настан во кампањата и треба да најдам голем работен простор за да го завршам. За оваа цел сакам да ја користам салата за состаноци во канцеларијата. Ќе користам мои сопствени материјали и ќе работам на транспарентот по завршувањето на мојата дневна работа во Johnson Controls. Ќе потврдам и дека на никој друг не му е потребна просторијата за работа. Дали е ова дозволено?
О:
Johnson Controls го почитува правото на сите да се вклучат во политички процеси. Горди сме што нашите вработени ги волонтираат своето време и пари за поддржување на политичките убедувања и претпочитаните кандидати. Меѓутоа, Johnson Controls не ја дозволува употребата на ресурсите на компанијата, вклучувајќи и канцелариски простор, за поддржување одреден кандидат. Мораме да ја избегнеме перцепцијата дека промовираме одредени политичари или политички партии. Поради тоа, не се дозволува користењето на салата за состаноци.