Маркетинг и искрена продажба
Како победуваме
Доверливо и отворено зборуваме за вредноста која им ја испорачуваме на клиентите бидејќи тоа гради доверба во нашиот бренд.
Зошто ги ставаме вредностите на прво место
Johnson Controls го става интегритетот на прво место. Ветуваме искреност и транспарентност на секого со кого соработуваме. Освојување бизнис и стекнување доверба кај клиентите започнува со тоа како ги претставуваме нашите решенија на пазарот. Покажуваме како јасно и вистинито додаваме вредност и ги исполнуваме нашите ветувања.
Како изгледа победувањето
Уверено и искрено го претставуваме нашиот бренд преку:
- точно претставување на можностите на нашите производи и услуги
- обезбедување дека материјалите и договорите за маркетинг ги исполнуваат законските и регулаторните одредби
- фокусирање на придобивките на нашите решенија и без неправедно критикување на конкурентите
- избегнување продажна тактика под голем притисок и „прекумерна продажба“
- добивање соодветно овластување за финализирање на зделки или потпишување договори
- навремено одговарање на барањата и прашањата од клиентите
Прво размислете
П:
Неодамна на состанок за продажба, мојата колешка точно го одговори техничкото прашање од потенцијален клиент, но според мене одговорот не беше целосен. Не сакав да ѝ противречам на колешката пред клиентот, па подоцна ја прашав во такси. Таа рече: „Тоа што му го претставив на клиентот беше точно, а тоа што заборавив да му го напоменам не е основа за нивната одлука. Бидејќи ни кажаа дека сме во потесниот избор, може да го разјасниме ова на следниот состанок.“ Мислам дека не треба да чекаме и треба да бидеме сигурни дека клиентот е целосно информиран.
О:
Вашиот инстинкт е точен. Кога ги претставуваме нашите производи и решенија на пазарот, мораме да ја обезбедиме целосната слика така што клиентите и потенцијалните клиенти можат да донесат целосно информирана одлука. Навраќањето за разјаснување на деталите во оваа фаза е добар начин да се стекнат почитта и довербата на клиентот. Клиентот треба да одлучи што е важно за него. Ако вршиме продажба врз основа на недоразбирање, тогаш ризикуваме да се нанесе штета не само на деловниот однос, туку и на нашата репутација.