Штитење на средствата на компанијата
Како победуваме
Ја штитиме репутацијата на Johnson Controls и другите средства затоа што тие се основата за нашата иднина.
Зошто ги ставаме вредностите на прво место
Се фокусираме на иднината. Користењето на најдобрите можности денес, нѐ подготвува да победиме утре. Нашите средства – имот, пари, информации, идеи и репутација – ги одржуваат нашите операции и ни овозможуваат да инвестираме во иновации и постојано подобрување. Како добри управители на овие средства, ги користиме нив да создадеме исклучителни искуства за клиентите и одржлива вредност за инвеститорите.
Како изгледа победувањето
Ги штитиме средствата на Johnson Controls со тоа што:
- разумно се грижиме за средствата кои ги контролираме за да се избегне нивна загуба, оштетување, кражба или неовластено користење
- внимаваме да спречиме измама, загуба или злоупотреба на средствата на компанијата
- управуваме со нашите податоци и информации во согласност со Политиката за чување податоци и другите политики на компанијата
- ги почитуваме протоколите за сигурност на информациите и пристап на корисници за да се заштитат системите и податоците на компанијата од неовластени пристапи, менување, дуплирање, уништување или обелоденување, дали ненамерно или намерно
- ги користиме средствата на компанијата само за деловни цели, освен ако се применува разумен и инцидентен исклучок за лична намена
- пријавуваме загриженост за употребата, злоупотребата или загрозувањето на средствата на компанијата
Различни средства, ист принцип
Средствата на компанијата имаат повеќе форми. Како ќе ги заштитиме ќе зависи од средствата и нашата конкретна улога. Но, во сите случаи се применува истиот принцип: внимавајте и добро расудувајте.
Информативни средства: какви било податоци во врска со нашите производи, бизнисот или начинот на кој ги водиме нашите операции, независно од тоа како се создадени, дистрибуирани, користени или складирани.
Финансиски средства: пари и сѐ што може да се претвори во пари, како што се акции, обврзници и банкарски депозити.
Материјални средства: сите стварни средства кои ги поседува компанијата и кои ги користи за водење бизнис (на пр. постројки, машини, алати, компјутери, мобилни телефони, суровини, возила, канцелариска опрема и материјали).
Нематеријални средства: нашата репутација, идеи, изуми, интелектуална сопственост, дизајни, авторски права, заштитни марки, патенти и трговски тајни. Овие средства ни помагаат да ги поттикнеме иновациите и напредокот.
Следново упатство се однесува на особено важни области за кои треба да бидеме внимателни и добро да расудуваме.
Заштитување на доверливи и заштитени деловни информации
Како победуваме
Ги штитиме нашите доверливи деловни информации и интелектуална сопственост бидејќи тие ни даваат предност на пазарот.
Ја унапредуваме иднината и победуваме за нашите клиенти преку развивање идеи и користење технички знаења кои другите ги немаат. Нашите доверливи деловни информации и интелектуална сопственост се важни деловни средства со кои се разликуваме од конкурентите. Мораме да ги заштитиме од неовластено обелоденување или злоупотреба.
Како изгледа победувањето
Ги штитиме нашите заштитени деловни и доверливи информации со тоа што:
- ги споделуваме овие информации само со оние кои се овластени и имаат деловна потреба да ги знаат
- не дискутираме за доверливи информации кога постои ризик некој да нѐ слушне
- внимаваме надвор од работно место за да бидеме сигурни дека документите и електронските направи се невидливи за другите
- никогаш не користиме доверливи информации за наша лична корист или за корист на лице надвор од Johnson Controls
- помниме дека обврската за заштита на доверливите информации на компанијата важи и по заминувањето од компанијата
Како изгледаат доверливите информации
Примерите на доверливи деловни информации вклучуваат:
- заштитени трговски марки, патенти, трговски тајни и друга интелектуална сопственост
- нејавни финансиски информации или проекции
- нови производи или планови за маркетинг
- истражување и развој на идеи или информации
- производствени процеси
- детални информации за набавки
- детали за плата и други лични информации
- список на вработени и внатрешни организациски шеми
- информации во врска со потенцијални преземања, продажби и инвестиции
- правни мислења и работен производ
- која било друга информација која може да им биде корисна на конкурентите
Прво размислете
П:
Вчеравечер бев на вчера со стара пријателка од средно училиште која работи во локална инженерска фирма. Зборувавме за тоа дека и двајцата сме горди што нашите компании се фокусирани на иновации кои ќе ги решат вистинските проблеми во светот. Ѝ споменав на високо ниво за некои наши најнови производи кои се развиваат, осврнувајќи се на тоа дека производите ќе ги решат проблемите на клиентите. По завршувањето на вечерата се прашував дали споделив премногу и потенцијално ги изложив идеите и средствата на фирмата на ризик.
О:
Имате право да бидете загрижени. Иако вашата пријателка не е директен конкурент, сепак е важно да се биде внимателен за да се избегне споделување информации на компанијата кои не се за во јавност. Нашата интелектуална сопственост, трговски тајни и други доверливи идеи и информации се важни средства на кои почива нашата конкурентска предност. Ако сметате дека ненамерно сте споделиле нејавна информација за производите на компанијата, за совет треба да контактирате со тимот за усогласеност или секторот за правни работи.
Одговорно користење на технологијата и информатичките системи на компанијата
Како победуваме
Одговорно ги користиме технологијата и информатичките системи на Johnson Controls за да работиме ефикасно и да ги постигнеме нашите деловни цели.
Не би било возможно да работиме како еден тим за нашите клиенти без системите и технологијата на кои секојдневно се потпираме. Лаптопи, мобилни телефони, е-пошта и инфраструктурата која ги поддржува ни овозможуваат да работиме попродуктивно, да комуницираме поефикасно и подобро да ги услужиме клиентите. Ни помагаат да пристапиме до информации и да ги споделуваме оние информациите кои ни требаат за да иновираме и постојано да се унапредуваме. Меѓутоа, нивната несоодветна употреба може да ги исцрпи нашите ресурси, да ја изложи на ризик нашата безбедност и да им наштети на нашиот бренд и репутација.Како изгледа победувањето
Безбедно и соодветно ги користиме нашите технологии и системи со тоа што:- само на овластени лица им даваме пристап до системите и само за потребниот временски период
- на овластените корисници им обезбедуваме пристап само до системите и податоците кои им се потребни за работа
- ги штитиме лозинките, редовно ги менуваме и никогаш не ги споделуваме со други
- не чуваме доверливи информации на интернет
- не преземаме неодобрени софтвери или отвораме сомнителни прилози
- единствено овластените лични уреди можат да се поврзат на мрежите на Johnson Controls
- преземаме чекори за заштита на хардверот од загуба, оштетување или кражба
- никогаш не испраќаме пораки кои содржат вознемирувачка или навредлива содржина
- избегнуваме да посетуваме несоодветни веб-локации
- разумно и инцидентно ги користиме опремата и системите на компанијата за лична употреба
Заштита на репутацијата на компанијата
Како победуваме
Во сѐ што правиме се стремиме да одржиме репутација на интегритет и иновации поттикнати од клиентите.
Нашата репутација е една од нашите највредни средства. Ја градиме над 130 години, но секогаш гледаме кон иднината. Секој од нас треба да го почувствува товарот на одговорноста за заштита на репутацијата на Johnson Controls во секојдневните дејства и одлуки. Кога дејствуваме со интегритет и ги применуваме нашите вредности, ќе продолжиме да ја стекнуваме довербата и сигурноста на нашите вработени, клиенти и деловни партнери.Како изгледа победувањето
Ја штитиме нашата репутација со тоа што:- нашите главни вредности служат за пример
- секогаш добро расудуваме за бизнисот
- сме одлични амбасадори на Johnson Controls
- обезбедуваме дека нашите одлуки и постапки постојано го одржуваат доброто име на компанијата
Нашата репутација
Се гордееме со 130-годишната историја. Но, никогаш не забораваме дека репутацијата е за минатите искуства на другите во справувањето со нас и нивното очекување на следните искуства.Спречување измама
Како победуваме
Нашата посветеност кон интегритетот значи дека сме претпазливи да спречиме измама, загуба и злоупотреба.
Измамата, загубата и злоупотребата немаат место во Johnson Controls. Нашата посветеност кон културата на интегритет и доверба е најсигурниот начин да се спречат овие злоупотреби и да се откријат и поправат доколку се случат.Како изгледа победувањето
Спречуваме измама, загуба и злоупотреба со тоа што:- целосно и точно ги опишуваме трошоците за патувања, забава и другите трошоци во нашите книги и записи. Видете ја Глобалната политика за деловни патувања, забава и извештајот за трошоците на вработените.
- правилно ги класифицираме и го водиме сметководството за финансиски трансакции
- ги фактурираме само оние услуги кои ги обезбедуваме во рамките на бараните временски рамки
- даваме попусти кои сме ги ветиле
- ги почитуваме сите политики за набавки и ги нарачуваме само оние стоки и услуги кои ни се потребни
- никогаш не користиме готовина или кредитни картички на компанијата за неделовни намени
- прашуваме за класификацијата ако не сме сигурни за сметководствените процедури или законските обврски
- веднаш пријавуваме загриженост за несоодветна или сомнителна активност
Заштита на нашите постројки
Како победуваме
Ги одржуваме нашите постројки и опрема безбедни од оштетување, така што секогаш сме подготвени да им помогнеме на нашите клиенти да победат.
Безбедните постројки овозможуваат сигурна и удобна средина за нашите вработени додека ги заштитуваме опремата и материјалите од оштетување, кражба или индустриска шпионажа.Како изгледа победувањето
Ги заштитуваме нашите постројки со тоа што:- постојано ги носиме беџовите за идентификација и проверуваме дали и другите ги носат
- не поттикнуваме отворени врати или не им дозволуваме на другите да нѐ следат преку безбедни влезови
- никогаш не им ги даваме клучевите, беџовите или шифрите за аларм на други лица
- секогаш ги заклучуваме канцелариите и возилата
- веднаш му пријавуваме на раководството некое протекување, расипана опрема или други прашања за одржување
- редовно ја прегледуваме и тестираме сета опрема за заштита од пожар и безбедносна опрема
- веднаш реагираме на сите аларми (дури и по вообичаеното работно време)
- спречуваме неовластени лица да влезат во нашите постројки и контактираме со обезбедувањето ако има натрапници
- контактираме со Центарот за глобални безбедносни операции на Johnson Controls (Global Security Operations Center – GSOC) на телефонскиот број +1 414 524 6700 или на е-пошта gsoc@jci.com во случај на безбедносна грижа или криза која претставува актуелен или потенцијален ризик за нашите вработени, постројки или операции.
- им јавуваме на локалните органи на прогон или одговорните за вонредни состојби доколку има непосредна опасност