Придонесуваме во нашите заедници
Како победуваме
Горди сме што имаме позитивно влијание во заедниците во кои живееме и работиме.
Зошто ги ставаме вредностите на прво место
Во Johnson Controls гледаме одговорност и можност да ги поддржиме заедниците во кои работиме. Како одговорен и активен корпоративен граѓанин сакаме заедниците да имаат придобивки од нашето присуство и поддршка. Очекуваме нашите вработени да направат разлика преку волонтирање и хуманитарни активности. Нашата цел не е само да понудиме поддршка, туку и да учествуваме во заедниците.
Како изгледа победувањето
Се стремиме позитивно да придонесеме во нашите заедници со тоа што:
- ја прифаќаме нашата улога на одговорен работодавач како прв избор и корисник на локалните услуги
- ги охрабруваме и препознаваме напорите на вработените во волонтерската, менторската и хуманитарната работа
- враќаме назад затоа што тоа е вистинската работа која треба да се направи, а не затоа што очекуваме публицитет или услуги за возврат
- ги покануваме другите, но не им вршиме притисок да придонесат во хуманитарните организации или други каузи на заедницата
- добиваме соодветно одобрение пред да донираме пари или време во име на компанијата, вклучително и усогласување со нашата Политика за придонеси во хуманитарни цели и спонзорирање хуманитарни настани
- потврдуваме дека секоја хуманитарна цел во која се вклучуваме е легитимна и се усогласува со важечките закони
Прво размислете
П:
Често волонтирам во мојот локален клуб наречен Момчиња и девојки. Бидејќи Johnson Controls поддржува вклучување во заедницата и волонтирање, се прашувам дали можам да ги претставам моите услуги во име на компанијата.
О:
Johnson Controls силно го охрабрува ангажирањето во локалните заедници. Вообичаено е нашите вработени да ја претставуваат компанијата во одредени настани во заедницата. Меѓутоа, секогаш мораме да бараме и добиеме дозвола од секторот за односи со јавноста пред да се претставиме во заедницата како претставници на Johnson Controls.