Pagpigil sa Insider Trading
Paano Tayo Magwawagi
Hindi kailanman tayo gumagamit o nagbabahagi ng panloob na impormasyon tungkol sa Johnson Controls o sa alinmang iba pang kompanya para sa layunin ng pangangalakal sa stock market.
Bakit Natin Inuuna ang Pagpapahalaga
Sa kurso ng ating trabaho, maaaring mayroon tayong access sa impormasyon tungkol sa Johnson Controls o iba pang kompanya na maaaring may potensiyal na kapakinabangan sa mga mamumuhunan. Ang pag-una sa integridad ay nangangahulugan na pagpapakita na palagi tayong maasahan upang protektahan ang impormasyong ipinagkatiwala sa atin. Kabilang sa “Panloob” na impormasyon ang mga detalye na ituturing na mahalaga ng isang mamumuhunan sa paggawa ng desisyon sa pamumuhunan; kilala rin ito bilang mahalaga at hindi pampublikong impormasyon. Ang paggamit sa impormasyong ito para sa ating sariling kapakinabangan o pagbabahagi nito para sa kapakinabangan ng iba ay tinatawag na insider trading. Ito ay ilegal sapagkat nagbibigay ito ng isang hindi patas na kalamangan at pinasasama ang mga pinansiyal na pamilihan. Agresibong ipinapatupad ang batas ng insider trading, na madalas na nagreresulta sa mabibigat na multa at pagkabilanggo para sa mga nahatulan.
Ano ang Hitsura ng Pagwawagi
Pinipigil natin ang insider trading sa pamamagitan ng:
- Hindi kailanman paggamit ng panloob na impormasyon upang mangalakal ng mga sapi sa Johnson Controls o anumang iba pang kompanya na pampublikong ikinakalakal—maliban at hanggang ang gayong impormasyon ay ginawang pampubliko at ang merkado ay nagkaroon ng pagkakataon na maunawaan ito
- Hindi pagbabahagi ng panloob na impormasyon sa sinuman sa labas ng Kompanya, kabilang ang mga miyembro ng pamilya, kamag-anak o kaibigan
- Pagbabahagi ng panloob na impormasyon sa mga kasamahan sa batayan lamang na kailangang malaman
- Pag-iingat para protektahan ang panloob na impormasyon mula sa hindi sinasadyang pagbubunyag sa pamamagitan ng pagiging maingat sa mga dokumento ng Kompanya at maingat na pakikipag-usap sa mga lantad na lugar
- Pagpigil sa “pagbibigay ng tip”—pagpasa ng mateyal, hindi pampublikong impormasyon tungkol sa anumang kompanya sa kaninuman na maaaring mangalakal habang may alam ng gayong impormasyon
Mag-isip Muna
T:
Hindi kailanman nakabawi ang mga pamumuhunan ng aking tiyuhin mula sa pandaigdigang krisis sa pananalapi at alam kong nagsusumikap siya upang maipasok ang kanyang mga anak sa unibersidad. Tinanong niya kung dapat siyang bumili ng stock ng Johnson Controls. Sa pakiramdam ko ay talagang matutulungan siya sa paggawa nito, lalo na dahil inaasahan natin ang mga paparating na paglulunsad ng produkto upang mapataas ang presyo ng sapi. Maaari ko bang sabihin sa kanya ang tungkol sa mga paglulunsad ng bagong produkto o irekomenda ang stock sa kanya?
S:
Talagang hindi. Mahalaga at hindi pampublikong impormasyon ang mga detalye ng paparating na mga paglulunsad ng produkto na maaaring magbigay sa tiyuhin mo ng hindi makatarungang pakinabang sa kalakalan. Magiging ilegal ang pagbabahagi ng impormasyong iyon. Sabihin sa kanya na dahil ikaw ay isang empleyado sa Johnson Controls, hindi ka maaaring magbigay ng impormasyon na maaaring humikayat o hindi humikayat sa sinuman na mangalakal sa stock. Isangguni siya sa seksiyon na Investor Relations ng ating website o imungkahi siyang makipag-ugnayan sa Investor Relations kung mayroon siyang mga partikular na katanungan.