Pagpapahalaga sa ating Iba’t ibang Talento, Karanasan at Pananaw
Paano Tayo Magwawagi
Ginagamit natin ang pinakamabuti nating iba’t ibang talento, karanasan at pananaw para sa mga natatanging pananaw at makabagong ideya.
Bakit Natin Inuuna ang Pagpapahalaga
Hinihikayat, pinauunlad at binibigyang-kapangyarihan ng Johnson Controls ang mga indibidwal na may malawak na mga karanasan, kakayahan at pananaw. Pinalalawak ng pagpapahalaga sa dahilan ng pagiging natatangi ng bawat isa ang ating mga pananaw at pinasisigla ang mga bagong ideya. Binibigyang-daan tayo ng ating pagkakaiba-iba na lutasin ang problema nang mas malikhain, gumawa ng mga desisyon na mas pinag-isipan at matukoy ang mga pagkakataon nang mas maagap. Kapag nararamdaman ng lahat na nakakapag-ambag sila sa at kasali sa ating tagumpay, makikinabang ang lahat ng ating empleyado, customer at mamumuhunan.
Ano ang Hitsura ng Pagwawagi
Pinapakinabangan natin ang iba’t iba at malawak na saklaw na kultura sa pamamagitan ng:
- Aktibong paghahanap ng alternatibong mga opinyon at pamamaraan
- Magalang na pakikinig sa iba upang maaari nating isaalang-alang at pakinabangan ang mga saloobin at ideya na hindi kagaya ng sa atin
- Makatarungang pagtrato sa mga tao at pagbibigay sa mga empleyado ng mga pantay na pagkakataon batay sa kanilang mga kuwalipikasyon at kasanayan
- Paghingi ng at pagiging bukas ng isip sa feedback na mula sa iba
Mag-isip Muna
T:
Isa ako sa tatlo lang na babae sa aming pangkat. Sa lingguhang pulong ng pangkat, medyo halata na pinapaboran ng aming lalaking superbisor ang mga ideya at opinyon ng aming mga kasamahang lalaki, kung minsan ay lantaran akong sinisiraan at ang iba pang kababaihan. Pakiramdam namin na kami ay minamaliit at ipinagkakait ang pagkakataon na patunayan kung ano ang kaya naming gawin. Ako ay natatakot na ang pagsasabi ng problema sa aking superbisor ay magpapatunay lamang ng kanyang mga masamang palagay tungkol sa mga babae. Paano ako makagagawa ng isang pagbabago na magbibigay-daan sa lahat sa pangkat na mag-ambag?
S:
Sa Johnson Controls, itinataguyod natin ang iba’t iba at malawak na saklaw na kapaligiran na kung saan ang lahat ay maaaring mag-ambag sa ating tagumpay. Ang anumang anyo ng pagkiling sa kasarian ay hindi sumasalamin sa ating pagpapahalaga o sa kultura na gusto nating likhain. Dapat mong isaalang-alang na tanungin ang iyong superbisor kung may mga partikular na dahilan kung bakit ang iyong mga ideya ay hindi kinikilala. Kung hindi nito malutas ang problema, makipag-usap sa isang mas mataas na tagapamahala o gamitin ang anuman sa iba pang mga mapagkukunan na magagamit para sa pagsasabi ng mga alalahanin, tulad ng pakikipag-usap sa HR o pakikipag-ugnayan sa Integrity Helpline.