Pangangalaga sa Personal na Impormasyon
Paano Tayo Magwawagi
Pinangangalagaan natin ang personal na impormasyon ng ating mga empleyado, kandidato, supplier at customer.
Bakit Natin Inuuna ang Pagpapahalaga
Kailangang kolektahin, iimbak, gamitin at ibahagi ng Johnson Controls ang personal na impormasyon upang matulungan tayong patakbuhin ang ating negosyo. Kailangan natin ang personal na impormasyong ito para sa maraming iba’t ibang layunin, kabilang ang ating mga relasyon sa negosyo sa mga customer at supplier, pangangasiwa ng mga benepisyo ng empleyado at pagsunod sa mga kinakailangan ng batas. Iginagalang ng Johnson Controls ang karapatan ng isang tao sa pagkapribado. Sa maling mga kamay, maaaring magamit ang personal na impormasyon upang matukoy ang mga indibidwal, magnakaw ng mga pagkakakilanlan o gumawa ng pandaraya. Bilang Isang Pangkat, binabantayan natin ang bawat isa—sa lugar ng trabaho at sa online.
Ano ang Hitsura ng Pagwawagi
Pinangangalagaan natin ang personal na impormasyon sa pamamagitan ng:
- Pagkolekta, pagproseso at paggamit lang ng personal na impormasyon para sa mga lehitimong layuning pang-negosyo at pagkolekta lamang ng daming kinakailangan para sa layuning iyon
- Pagiging bukas at malinaw tungkol sa kung bakit at paanong ang personal na impormasyon ay kinokolekta, pinoproseso at ginagamit
- Hindi kailanman pagbabahagi ng personal na impormasyon na higit sa kung ano ang kailangan, o pagbabahagi nito sa sinumang walang pangnegosyong pangangailangan na makaalam
- Pangangalaga sa personal na impormasyon na kinokontrol natin at ligtas na pagtatapon nito kapag hindi na kailangan para sa orihinal na layunin
- Pagsunod sa lahat ng mga naaangkop na batas sa pagkapribado at sa ating Patakaran sa Pagkapribado
Mag-isip Muna
T:
Isang kaibigan sa aking pangkat ang kamakailang nagkaroon ng sanggol. Nais ng lider ng aming pangkat na magpadala sa kanya ng mga bulaklak sa pangalan ng kompanya, na sa palagay ko ay magandang ideya. Dahil alam niya na kaming dalawa ay magkaibigan at magkalapit ang tinitirhan, tinanong niya akin ang address ng bahay ng aking kaibigan. Hindi komportable ang aking pakiramdam na ibigay sa kanya ang address nang hindi muna hinihingi ang pahintulot ng aking kaibigan. Ngunit ayaw kong sirain ang sorpresa kaya ano ang dapat kong gawin?
S:
Mataimtim nating pinangangalagaan ang personal na impormasyon, ito man ay pag-aari ng mga empleyado, customer o iba pang kasosyo sa negosyo. Tayong lahat ay may responsibilidad na pangalagaan ito at pinapayagan lamang na gamitin ito para sa tamang mga layunin at ng mga tao na may pahintulot na gamitin ito. Ang pagpayag na mapunta sa maling mga kamay ang personal na data ay maaaring magkaroon ng mapaminsalang kahihinatnan, potensiyal na pagtulong sa pagnanakaw ng pagkakakilanlan at iba pang krimen. Sabihin sa lider ng inyong pangkat na mas gusto mo sa siya ang gumawa ng mga pagsasaayos sa pakikipagkonsulta sa HR partner ng inyong pangkat.