Порака од главниот извршен директор
Драги колеги,
Живееме во свет во кој сложеноста, промената и несигурноста се секојдневна реалност. Идејата да се има повеќе контрола на животната средина во која живееме, работиме и патуваме е истовремено смирувачка и поттикнувачка. Во 1883 година, оваа идеја го инспирирала Ворен С. Џонсон (Warren S. Johnson) да го измисли електричниот собен термостат. Истото основно размислување го инспирира Johnson Controls денес: сите во светот соработуваме и иновираме за да го направиме светот безбеден, удобен и одржлив. Се гледаме себеси како компанија која прави нешто повеќе отколку само да произведува работи; правиме разлика.
Мора да ја имаме на ум поголемата слика кога работиме и комуницираме со колегите, клиентите и светот. На тој начин се потсетуваме дека влијанието на нашите индивидуални одлуки и дејства, за добро или за лошо, може да биде многу подобро од она што сме го замислиле. Довербата на клиентите и репутацијата за квалитет, сигурност и интегритет никогаш досега немале толку големо значење. Поради тоа, Вредностите на прво место, Етичкиот кодекс на Johnson Controls, е неопходен ресурс. Секој од нас има одговорност да го знае Кодексот и секогаш да го почитува.
Името на Кодексот има свое значење; го отсликува верувањето дека кога ги ставаме нашите вредности на прво место, градиме бизнис кој ќе трае долго. Преку спроведување на нашите вредности, промовираме култура на доверба и почитување. Тоа, пак, ни овозможува да соработуваме, иновираме и да работиме најдобро што можеме за да можеме да победуваме заедно со нашите клиенти.
Ви благодарам за сѐ што правите за да го направите светот безбеден, удобен и одржлив.
Со почит,
George Oliver
Претседавач и генерален директор