Она што секојдневно го правиме во Johnson Controls го прави светот попродуктивен, побезбеден и поодржлив. Создавањето победнички решенија за нашите клиенти е клучот за освојување на пазарот. Важно е како го правиме тоа бидејќи победувањето без интегритет не значи ништо. Поради тоа, Интегритетот на прво место е првата меѓу нашите вредности.
Нашите вредности се почетната основа за сѐ што правиме, каде и да го правиме тоа. Тие нѐ потсетуваат нас, но и другите, кои сме, за што се залагаме и како ги вршиме работите. Тие се нашата инспирација и нашата водилка. Поради тоа, Етичкиот кодекс на Johnson Controls се нарекува „Вредностите на прво место“.
Во Johnson Controls нѐ водат нашите вредности – од инспирација па сѐ до постигнување.
Ветуваме искреност и транспарентност. Се придржуваме до највисоките стандарди за интегритет и ги почитуваме обврските кои ги преземаме.
Веруваме во правењето добро и се чувствуваме одговорни да го направиме светот подобро место преку решенијата кои ги обезбедуваме, нашиот ангажман во заедницата, начинот на кој го водиме бизнисот и нашата обврска да ги штитиме луѓето и животната средина.
Победуваме кога победуваат нашите клиенти. Нашите долгорочни стратешки врски овозможуваат уникатни согледувања и способност да обезбедат исклучителни искуства и решенија за клиентите.
Нашата култура за иновации и постојано подобрување нѐ поттикнува да ги решиме денешните предизвици додека постојано се прашуваме „што е следно“.
Ние сме еден тим и сме посветени да соработуваме заедно за да создадеме корисни решенија кои го придвижуваат светот напред.
Johnson Controls над 130 години гради репутација како компанија на која може да ѝ се верува дека ќе ги исполни своите ветувања и дека ќе обезбеди вредност за своите клиенти и другите чинители.
Оваа репутација е наша одговорност, независно од нашата улога во компанијата. Нашите индивидуални избори и дејства имаат директно влијание на способноста на Johnson Controls да ги исполни очекувањата на нашите клиенти, инвеститори и другите акционери. Иако сме 120.000 лица кои поддржуваат многу брендови и функции во светот, победуваме како еден тим. Нашите избори и однесување треба да ја поддржат културата на доверба и почитување бидејќи заеднички си помагаме за да работиме најдобро што можеме.
Поради тоа го имаме нашиот Етички кодекс, Вредностите на прво место. Етичкиот кодекс поставува очекувања за однесувањето и нѐ води кон постигнување најдобри резултати за нас и за сите наши акционери. Тој е практичен ресурс кој лесно се употребува и кој ни покажува како да ги ставиме вредностите што ги споделуваме во акција. Сите се победници кога нашите вредности го поттикнуваат правилното однесување.